博多拉麵別天神 (Closed)

香港人特別鐘意日本文化，所以香港都有唔少日本餐廳，當中拉面店就多不勝數，今次黎試下呢間叫別天神既拉面。環境方面十分傳統既日式裝修，座位都係比較傾向單人化（可能日本人好多都單身喇），就算一個人黎食都唔會太odd，非常鐘意呢種坐法。而且好近師傅，睇住師傅用熟練既手法，用心咁煮，放工後黎食，都幾relax。食物方面傳統既豬⻣湯底，就當然係唔少得，用純水＋純豬骨煮成，白色既湯底，飲落有淡淡既湯味，唔錯，而且佢話絕對不落味精，飲落健康，比起一般速食既日本拉面，多一份心機健康。如果想要味道豐富d既朋友，可以落佢d辣牙菜，七味粉黎吊下味，但本人就覺得唔落好d。另外有個蝦湯底，估計底料都係豬骨湯，再加上蝦湯混合，都可以一試。