順德公漁村河鮮酒家

Open Now

Now Closed

今日同朋友嚟咗順德公漁村食飯，食傳統順德菜，我哋揀咗個$680嘅套餐B,望到餐牌覺得好豐富！呢個套餐B入面，我最鍾意食嘅係「蟲草花天麻燉大魚頭湯」，個湯底夠晒真材實料，煲得夠入味，飲落去好鮮甜，而且仲有啲中藥嘅香味，飲完成個人都暖晒！另外，個「蒜子生扣脆肉風鱔皇」都好好味！條鱔肉好爽口，蒜香又夠濃，食落去好開胃惹味，真係食到停唔到口！魚湯腐竹浸勝瓜：個湯底好濃郁，啲腐竹吸晒啲湯汁，食落去好滑！巧手千島大蝦球：大蝦肉質彈牙，個醬汁又酸酸甜甜，好開胃！環境都幾舒服，好有傳統古色古香，服務員態度又好，充滿人情味，仲送埋甜品黃金糕，超煙韌，依家真係好難得食到。整體嚟講，呢餐飯真係食得超滿足！