貴族蛋糕

Open Now

Now Closed

經過工作地點附近的貴族蛋糕，這一家懷舊的餅店深受附近的街坊歡迎。好多街坊都係專誠喺花墟買完花，特登造訪。除咗特色嘅糕點之外，仲有自家製嘅各款曲奇餅。真係令人花多潦亂！今日經過，買咗幾樣特色嘅糕點你屋企人試吓。分別有菠蘿蛋糕，菠蘿蛋糕食落好有淡淡的菠蘿香味，蛋糕十分鬆軟可口。獨立包裝，細細的一件，唔需要驚食唔晒！又可以比小朋友帶返學做茶點，一舉兩得！另外仲有小店招牌出名的蛋撻及椰撻。蛋撻$7一個，可能會有少少貴，但係牛油嘅鬆脆，加上蛋香，迷你的一件成為下午茶最佳嘅選擇。椰撻都唔錯！另外加上屋企人生日，早前特登訂咗一個傳統的奶油蛋糕！比屋企人懷緬下過去。一打開，家中長輩就說就是以前的樣子。面頭的果醬，旁邊的鮮忌廉，幼滑得很，入面包著的是鮮果蛋糕，好有傳統特色。而且食落去唔會太甜，一班人食就最好不過啦。