神石燒牛扒專門店 (碧街) (Closed)

唔知大家鍾唔鍾意食燒肉，今次推介呢間唔係普通嘅燒肉店，而係用咗傳統石燒嘅形式，燒肉嘅味道又更加香同美味！《美國黑安格斯牛膈肌》呢一款牛係我比較鍾意食嘅，因為我鍾意啲好香濃牛肉味之餘肉又好厚實！呢款就啱晒我心意！石燒嘅方式令到塊牛嘅溫度啱啱好，傳統嘅形式真係確實唔同！《牛舌串》、《牛肋條》店員向我推介有得半額追加，咁抵食，點可以唔加埋，牛舌串好新鮮，口感都幾爽！牛筋條就超級軟腍，肉質同味道都非常出色！《頂級虎蝦》、《日式磯燒鮑魚》蝦肉非常彈牙，鮑魚磯燒完都香味十足！環境:⭐️⭐️⭐️⭐️⭐️（5星滿分）食物:⭐️⭐️⭐️⭐️⭐️（5星滿分）服務:⭐️⭐️⭐️⭐️⭐️（5星滿分）