和昌飯店 (Closed)

和昌炭火叉燒，用真炭火燒，每件都有燶邊，比一般爐燒真係多了一份濃濃的炭香。叉燒用了梅頭肉，肉質非常軟腍半肥瘦口感很正。荔茸帶子炸得非常鬆脆，裡面綿綿的芋頭包住原粒帶子。花雕醉鮑魚酒味平衡得好好唔會過嗆，依然食到鮑魚的鮮味。鷹䱽肉質嫩滑，配上陳皮豉汁很惹味。黑醋骨用上意大利黑醋，排骨先炸過外脆內鬆軟，而且肉汁沒有流失，口感非常正。茶燻雞煙燻味在雞皮雞肉都食到，不光光是上枱打開的一剎那。雞肉非常嫩滑好味。如何令鮮茄蟹肉炒飯更上一層樓？師傅用心地將炒飯放入番茄裡面，炒飯依然很香又能混入濃郁番茄汁一齊食，酸酸甜甜輕易食哂。絕對係兒時在酒樓食的鮮茄牛肉飯炒底的味道，加入點創意，成為煥然一新的菜式。甜品有特色西瓜糕，用西瓜整成特意製作到有沙粉感令口感更似西瓜，底部用了抹茶牛奶奶凍扮西瓜皮很像真，味道好清新帶天然西瓜味，唔甜好啱夏天食。