福臨門 (金巴利道) (Moved) New Location

呢到無特別豪的裝修, 服務亦唔係無處不在, 不停換碟個種, 你坐低無人會棟在你旁邊向你推薦魚翅, 燕窩同鮑魚... 你慢慢歎杯茶, 慢慢睇菜牌先決定叫什麼菜。枱同枱之間又有足夠的距離, 你唔會聽到隔離枱高談闊論。明明企係你附近, 幫你添飯添茶, 都唔會見你一放底個碗/杯, 就即刻走埋黎, 會稍為等一等, 等你食得唔駛咁急, 食餐飯都輕鬆d。兩個人, 半包荷葉飯, 半隻炸子雞, 豉汁龍蝦球, 加埋美點相輝, 真係滿足到不得了。荷葉飯同炸子雞, 好多人都讚過, 豉汁龍蝦球, 就真係精彩啦...新鮮龍蝦起肉, 刀工細膩, 並不是大大件的, 汁剛好掛在精緻的龍蝦肉上... 美味啊!!! 真是好難搵到第二間會做又肯做這味菜!!! 菜式和服務都是上上之選。