Video
Read full review
2018-04-01
496 views
有時候兩個人想食潮州打冷美食，但潮州打冷通常大大碟好難嗌餸，再加上個人覺得港島比較少D選擇，所以都好少兩口子食。前排睇報導話西營盤開咗間精緻小巧嘅潮州菜，為食嘅我當然一試啦。同平日去開嘅潮州菜好唔同，呢度別緻又乾淨，同一般以往去開嘅潮州菜館完全唔同風格，由牆身啦、桌椅啦，至到去餐具都以不同嘅綠色作為主。好鍾意佢地嘅綠色雲石紋餐具，雲石紋大熱又young，食嘢都心情好D呀。一坐低就奉上「禮貌茶」俾我地，原來小館話潮州人天生熱情好客，同朋友一見面就會以喝茶為見面禮，所以就奉上「禮貌茶」俾我地，茶以玻璃杯加木盤奉上，感覺好young又新穎，功夫茶易入口，唔會太濃，有煥然一新嘅感覺。一邊飲緊「禮貌茶」，一邊當然睇下有咩好食啦，呢度嘅食物價錢唔貴，所以嗌多幾款食都唔會心痛。呢度走年青路線，原來可以一邊飲cocktails潮州菜，都係一個幾新穎嘅選擇，可惜當日無cocktails提供，否則一定試試。椒鹽九肚魚 HK$78 (推薦指數：5/5)呢個九肚魚造得相當唔錯，不但外脆內滑，而且亦好入味，平日食九肚魚都要點酸醋但呢度完全入哂味，食落又唔油膩，唔會太咸，剛剛好！！食落一D骨都無，啖啖肉又香口，好
再加上個人覺得港島比較少D選擇，所以都好少兩口子食。
前排睇報導話西營盤開咗間精緻小巧嘅潮州菜，為食嘅我當然一試啦。
同平日去開嘅潮州菜好唔同，呢度別緻又乾淨，
同一般以往去開嘅潮州菜館完全唔同風格，
由牆身啦、桌椅啦，至到去餐具都以不同嘅綠色作為主。
好鍾意佢地嘅綠色雲石紋餐具，雲石紋大熱又young，
食嘢都心情好D呀。
一坐低就奉上「禮貌茶」俾我地，原來小館話潮州人天生熱情好客，
同朋友一見面就會以喝茶為見面禮，所以就奉上「禮貌茶」俾我地，
茶以玻璃杯加木盤奉上，感覺好young又新穎，
功夫茶易入口，唔會太濃，有煥然一新嘅感覺。
一邊飲緊「禮貌茶」，一邊當然睇下有咩好食啦，
呢度嘅食物價錢唔貴，所以嗌多幾款食都唔會心痛。
呢度走年青路線，原來可以一邊飲cocktails潮州菜，
都係一個幾新穎嘅選擇，可惜當日無cocktails提供，否則一定試試。
椒鹽九肚魚
$78
10 views
1 likes
0 comments
椒鹽九肚魚 HK$78 (推薦指數：5/5)
呢個九肚魚造得相當唔錯，不但外脆內滑，
而且亦好入味，平日食九肚魚都要點酸醋但呢度完全入哂味，
食落又唔油膩，唔會太咸，剛剛好！！
食落一D骨都無，啖啖肉又香口，好惹味呢！
太極素菜羹
$78
14 views
0 likes
0 comments
太極素菜羹 HK$78 (推薦指數：4/5)
因為湯係一位位上，同男友一人點一款湯試。
呢個太極素菜羹賣相上實在要俾多幾分，
左邊綠色嘅係用菠菜打碎成菜汁，而白色果邊原來係雞湯煮成，
所以同平日用豆腐造嘅分別好唔同，
呢個羹會相對鮮味得多，味道好平衡，
好味又好睇，可見小店相當花心思。
青欖螺頭湯
$88
6 views
0 likes
0 comments
青欖螺頭湯 HK$88 (推薦指數：4/5)
燉湯飲落好舒服同埋好足料，
係香港比較少餐廳會提供青欖螺頭湯，
所以見到呢度有都忍唔住order咗一個俾自己。
青欖有清熱解毒、止咳潤肺功效，
呢排忙住搬屋嚨喉有少少乾想作病咁，
飲完嚨喉舒服咗好多，而螺頭份量多食落又唔韌 。
火腩春菜煲
$68
45 views
0 likes
0 comments
火腩春菜煲 HK$68 (推薦指數：4.5/5)
對於我嚟講，正宗潮州菜必定要有春菜點，
好多餐廳都會用排骨煮春菜，但呢度就用上火腩，
令到個清湯更濃味，菜就相對更入味啦。
雖然話係用火腩，但係一點都唔油膩，
因為小店有飛水去油，湯頭完全唔油，所以我成個湯飲哂tim呀，
加上春菜又煮的好稔，好味道！
潮州蠔仔烙
$78
11 views
0 likes
0 comments
潮州蠔仔烙 HK$78 (推薦指數：4/5)
呢個蠔仔烙並唔係用炸嘅造法，而係用煎嘅方法，
所以食落唔係滿口炸漿而係非常香口嘅蛋漿味。
蠔仔份量都算幾多，而且食落新鮮又無沙，
加上煎得鬆化，入口煙韌彈牙，有誠意之作。
福果芋泥
$38
13 views
0 likes
0 comments
福果芋泥 HK$38 (推薦指數：4/5)
因為平時好少見到有呢款甜品食，
所以忍唔住嗌咗，但嗌嘅時候都擔心會好甜，
點知嚟到又唔錯，芋泥帶微甜，濃濃芋頭味，
鋪面嘅白果又好軟身香甜。
芋泥食落比較飽，個人覺得可以兩至四人share一份都okay，
食完又唔洗驚太濟。
反沙芋條(4條)
$58
12 views
0 likes
0 comments
反沙芋條(4條) HK$58 (推薦指數：4.5/5)
呢個甜品個人都係覺得必試，係極考功架嘅傳統甜品，
佢地採用咗荔浦芋頭，所以食落粉嫩香軟，
而出面嘅糖漿完完全全炒到起哂沙，食落外脆內軟，
呢個咁出色嘅潮式甜品值得一點。
個人覺得環境舒服加食物又幾好，
埋單每日二百幾蚊，呢個價錢可以試到咁多唔同嘅潮州菜，
嚟開西營盤呢邊都係一個幾好嘅選擇。
Post
