金記冰室 (Closed)

今天去了荃灣的金記冰室午餐，坐低對正個大牌匾，好有氣勢。老牌冰室來了新搞作，跟老夫子來個cross-over，經其語句 “名副其實” 和 “耐人尋味” 竟然變了套餐名字。另外，個個員工都穿上印有 “傳統風味、新派演繹”，是齊心合力的表現。點了一個 “名副其實”，即係金牌乾炒牛河套餐，配凍忌廉朱古力。另一個餐係E餐，福建炒飯，配中湯粟米甘筍汁和熱奶茶。中湯味道還可以，勝在沒有加味精。凍忌廉朱古力: 隻杯印有老夫子同埋大番薯，好cute，我鍾意呀! 杯朱古力初飲第一啖，覺得太濃，後來將啲cream搞勻，同埋等啲冰溶少啲之後，杯朱古力就啱味了。熱奶茶: 味道香滑。福建炒飯: 賣相唔差，用料就無了豬肉了，相信是來貨貴得滯。換來的是火腿片。其他的材料還有雞肉、雜菌、蜆仔肉，蛋碎等等。味道都唔錯的。金牌乾炒牛河: 大碟，鑊氣夠，色水靚，上檯時已聞到香氣撲來。河粉食落唔會散，牛肉大片又腍。再加埋李錦記嘅是拉差辣椒醬一齊食，真係無得輸。