上海婆婆 (黃大仙中心北館)

Open Now

Now Closed

一直都好鐘意中菜但平時唔多會食得到，餐廳位於黃大仙中心，主打多款正宗嘅上海菜，環境優雅，座位舒適，地鐵站一出就到，超級方便，而且食物價錢親民，好適合帶屋企人嚟聚餐。涼菜有魚籽醬燻蛋，流心狀態，切開對半，味道唔算好濃，作為前菜都可以。江南小排骨有驚喜，肉質嫩滑多汁，啖啖肉，酸甜開胃，令人一試難忘。湯品有砂鍋雲吞雞，細份都唔少，有成足足四碗嘅份量，裡面有三粒大雲吞，皮薄餡靚，雞肉唔嚡，娃娃菜煮至軟身，整體飲落清甜，十分美味，下次會想試埋其他款式。菜有手撕包心菜同黃金四季豆，前者新鮮入味，而且唔算好油，健康又有營養、個人更喜歡後者，上枱時香噴噴，每條都沾滿鹹蛋黃醬，而且帶點沙沙嘅口感，值得一試。