勝發餅家

Open Now

Now Closed

人大到某個年紀，總會想搵番兒時味道。有趣嘅係，往往唔單止只係想搵味道，而係搵個種情懷。其中一個我好鍾意去嘅地方係舊式餅舖。當然有時遇到一啲唔係幾好脾氣嘅老闆，但更多情況係充滿街坊街里之間人情味。喺錦上路就有呢一間勝發餅家，往往令人回味兒時味道！唔單止裏面嘅裝修，用嘅餅盤，麵包擺嘅餅櫃，都係充滿兒時回憶！當然不可不講嘅係當中最出名嘅忌廉筒！而家真係買少見少。一口氣買咗6個，就可以同人分！外表睇嚟冇乜特別，但即使隔咗一陣先食，一開合，好香！食落外皮依然好脆。裏面嘅忌廉都唔會太甜，而且由底吱到面，一啲都唔孤寒！絕對值得一試！