海 (Closed)

喺個人重未有得飛之前，唯有得閑食吓家鄉嘢止吓喝😎今次去咗食Omakase Lunch, 雖然而家愈嚟愈多地方食Omakase，但「海」確實係又傳統又有質素嘅少數，「海」雖然只有10個位，但係樓底超高，所以仍然坐得好舒服，當日可能係平日加上我哋食1:45嗰塲，全場得我哋兩個，入到去日本老師傅已經好有禮貌咁同我哋打招呼跟住講咗一大堆日文（可能見我隔籬嗰個成個日本妹咁😂），當然後來知我哋唔識日文，就同我哋講英文同簡單嘅中文👍🏻因為得我哋兩個，老師傅全程喺我哋面前好有心機慢慢整慢慢講，而師傅整完每一件唔會用碟上，係直接放喺前面嘅枱面（呢個就係傳統啦），所以每個人額外都會有一張放得靚靚嘅濕紙巾，俾有需要嘅時候可以自己清潔一下佢嘅魚生非常新鮮，八件壽司由淡到濃味咁出，再加上師傅特別每一種都會配上一啲好簡單嘅調味或者汁料，令到更加突出到每種魚生嘅鮮味，之後仲有一個手卷，當日係「海膽」，真係唔係講笑，海膽係多個飯，由外層紫菜咬落去淡淡都係鮮甜嘅「海膽」，真係超滿足，到最後有抹茶朱古力收尾，真係好圓滿🥰