永華麵家 (Closed)

這店曾被米豬蓮推介, 今次出灣仔經過此地, 就入去食個午餐先。想當年(都是幾年前)一碗雲吞麵只是1X元, 已經有4粒乒乓球咁大粒的雲吞, 不過每次講起都會被人取笑, 話傳統的雲吞麵雲吞是非常細粒, 那麼價錢就可更平~.~鮮蝦雲吞麵- 今次黎食主要是為了麵而非雲吞, 因為出名的是自製的麵底--竹昇麵。麵的顏色比較深, 可能加了蛋製作, 而且不加色素, 保證天然。有陣陣蛋香, 爽滑彈牙, 條條分明不黏, 配上濃濃大地魚味的湯底, 淨食麵都抵。南乳豬手麵- 呢碗反而俾豬手吸引了。先講價錢, 只比雲吞貴2蚊, 但有成三大舊豬手, 好抵食。豬手炆得好淋, 但表面仍可完整不爛開, 非常驚喜, 南乳味雖不明顯, 但有一份咸香及甜甜, 應該有用冰糖配合炆吧~味道好夾, 更令湯底更濃郁。現在食物不只為求平, 質素都非常緊要, 希望傳統的麵店能繼續支持下去。