Video
Read full review
2009-09-08
17 views
今日同媽咪黎左呢度飲茶，不過我地好晏先去到，唔駛等位，即刻有位俾你，不過要搭檯就真，但我同媽咪都無咩所謂既，反正影響不大。呢度既環境都算闊絡，唔會好迫，冷氣好夠，坐得幾舒服。可能我地比較遲入去，所以佢會有d特價點心賣，問你要唔要咁，我地見個腐皮卷同埋蝦米腸既外表幾好，所以就要左啦。雖然佢係特價，但都係熱辣辣的，與平日質素無異。腐皮卷脆卜卜，不過油左少少，但都好食。蝦米腸就普通，不過豉油唔夠，但我見到佢有好多蝦米。最好少係有個傳菜阿姐拎碟叉燒腸過黎俾我地，我地話左我地無叫，佢仲死迫我地要。我話我叫左蝦米腸仲點會叫叉燒腸，佢話你個d係特價點同，跟住我真係即刻躁左，我同佢講話個問題係真係我地無叫到呀嘛，唔關個腸粉一唔一樣事，跟住佢即刻叫我地唔好嘈.... 嘩... 仲惡過個客呀，真係都唔知有無搞錯。另外我地仲叫左碗燒鵝檬粉，D燒鵝幾靚喎，好肥美而且好香鵝味，D肉又滑一D都唔UN，所以幾好。仲叫左D其他野，不過都係一般啦。甜品有個叫榴槤蕉葉卷，我地見佢幾得意叫左，不過唔太好食，哈哈，佢入面係有榴槤，不過無咩榴槤味既，而且同出面個D糯米唔係好夾，所以我麻麻地鍾意食。呢度同潮樓上樓唔同，要收茶錢加
呢度既環境都算闊絡，唔會好迫，冷氣好夠，坐得幾舒服。可能我地比較遲入去，所以佢會有d特價點心賣，問你要唔要咁，我地見個腐皮卷同埋蝦米腸既外表幾好，所以就要左啦。雖然佢係特價，但都係熱辣辣的，與平日質素無異。腐皮卷脆卜卜，不過油左少少，但都好食。蝦米腸就普通，不過豉油唔夠，但我見到佢有好多蝦米。
最好少係有個傳菜阿姐拎碟叉燒腸過黎俾我地，我地話左我地無叫，佢仲死迫我地要。我話我叫左蝦米腸仲點會叫叉燒腸，佢話你個d係特價點同，跟住我真係即刻躁左，我同佢講話個問題係真係我地無叫到呀嘛，唔關個腸粉一唔一樣事，跟住佢即刻叫我地唔好嘈.... 嘩... 仲惡過個客呀，真係都唔知有無搞錯。
另外我地仲叫左碗燒鵝檬粉，D燒鵝幾靚喎，好肥美而且好香鵝味，D肉又滑一D都唔UN，所以幾好。仲叫左D其他野，不過都係一般啦。甜品有個叫榴槤蕉葉卷，我地見佢幾得意叫左，不過唔太好食，哈哈，佢入面係有榴槤，不過無咩榴槤味既，而且同出面個D糯米唔係好夾，所以我麻麻地鍾意食。
呢度同潮樓上樓唔同，要收茶錢加一，咁佢都唔算係好貴，但如果食物質素都係差唔多，我下次都唔會特登過黎啦。
Post
