林昌記 (Closed)

環境：好細嘅鋪頭，多人排隊嘅話就一定要喺條街度排 食物：有原味白魚蛋，咖喱魚蛋，炸魚蛋，炸片頭。16粒$20，7粒$10原味白魚蛋：好彈牙，第一下咬落去，當你啲牙掂到粒魚蛋嘅時候，係要用少少力先咬得到嘅。但當咬落去後，就變得非常軟。有淡淡嘅魚味咖哩魚蛋：嚴格嚟講只係將咖喱汁倒上魚蛋，冇其他街邊檔咁成窩咖喱汁浸住啲魚蛋咁入味，可以唔試炸片頭：喺餐牌上冇出現嘅，其實佢係炸片頭+魚片，唔似平時啲魚蛋粉嘅魚片咁樣。佢呢個係真係炸，所以外面係成層炸粉。係好脆口嘅，不過食唔到魚味囉服務：全店只有一位男士，收完銀即刻擰轉面整魚蛋，好忙... 不過仍然好有禮貌，值得一讚！