泰興餅店

Open Now

Now Closed

傳說中嘅”熱香餅漢堡”。傳說中質素可比日本麥當勞。傳說中有人三個鐘都排唔到。傳說中安排極之混亂，出品時間不一，又唔會截龍，有人排餐死，跟住發現冇。今日我嚟考證呢個傳說。首先排隊嘅人真係好多，呢個天氣要咁樣排隊都幾辛苦。但係的確有紫色衫嘅專人出嚟控制人龍，唔會令其他買麵包嘅人受影響。同埋見到明顯有數人數同截龍，可能係最近嘅改進？講返個熱香餅漢堡。首先要讚嘅係，佢係熱嘅，而且比麥當勞嘅豬柳蛋漢堡明顯多汁同有彈性。至於佢好味嘅地方就係熱香餅嘅甜同豬柳蛋嘅鹹味加埋一齊，係夾嘅，不過未至於驚為天人。至於要彈嘅反而係個熱香餅，已經開始有啲乾，食晒個包其實幾頸渴。整體來說，係OK嘅，而且又唔係話排幾個鐘(我好彩？)，而且真係唔貴囉，$15 一個包，好多料，自己整一定唔得。