Hero Sandwich (Closed)

睇完laughing gor法網狙擊之後， 席卡就人肉搜查呢間鋪, 經高燈發現呢間大角咀既 Hero Sandwich. 聽人講得多， 試就真係第一次. 呢間野主要賣熱食三文治, 標榜新鮮自製麵包, 三文治即叫即做, 又有沙律同咖啡, 非常吸引. 不過今次既主要目的係電視上面laughing gor描述既大熱狗!呢隻熱狗真係好誇張! 睇下個五元硬幣, 再睇下隻狗, 大到 *o* 咀. 味道方面, 包面鋪滿咗芝麻, 烘過之後芝麻香味非常重兼夾外脆內軟, 香腸Juicy, 蔬菜好新鮮. 係咁大隻熱狗唔知由邊到食起, 兩個人share先有何能食得完. 鋪內樓底勁高, 非常舒服, 下次會試下個牛肉包.