錦麗 (世貿中心) (Closed)

本來今晚諗住去世貿中心食牛刷鍋的～一收工飛快地去世貿中心，諗住落雨應該少啲人啦..點知門口勁多人排隊，同男友又好餓唔想再無了期咁等，然後望一望隔離店，係新開嘅錦麗喎！之前賣廣告賣得好行話係全個越南最好食嘅牛肉粉..成日都見好多人去排隊...今日又比較離奇，得幾個人等，咁我哋不如就試下新嘢啦反正未食過～等咗大概十五分鐘就有位，menu都係好傳統果啲越南粉有嘅嘢,梗係叫個錦麗綜合粉試一試佢啲牛肉啦～ 每張枱都會有隻杯，裡面放咗啲九層塔，青檸，辣椒同埋芽菜～可以無限添加的～而且檯面都有教導我哋點先至係正宗越南食法～我記得最好食嘅牛肉粉係溫哥華食過，佢哋仲有地道雞肉丸～不過暫時係錦麗menu我都未見到呢樣野哈哈最後我叫咗一個錦麗綜合粉（走蔥版～）材料有生牛肉，熟牛肉同埋牛丸～試一下個湯頭，都幾濃牛味，最緊要係無味精嘅感覺...生牛肉因為仲未熟晒，所以都幾淋，熟牛肉方面我覺得比較un唔想太吸引...河粉無咩特別，不過都有點掛湯力...同埋un度啱啱好，唔會太硬又唔會太淋但係以$62來說唔算特別夠份量，以佢號稱最好食牛肉粉..真係有點兒失望..男友都係點咗同一個牛肉粉（有蔥版～）佢食完都覺得唔算太