Video
Read full review
2024-01-19
3037 views
😱 上星期 “洪爺” 江湖飯局, 一片混亂, 老友 “意大利長介” 趁火打劫, 即塲約戰 傳說中 嘅 “雲隱”, 六個人, 用三分鍾, 決定三日後食 $1000 嘅中午 廚師發板. 香港人唔只有錢, 仲要唔使番工(!)📖 聽講餐廳原名 Mori, 後來主廚離開自立門戶, 副廚頂上, 改名 “雲隱”, 短時間內成為 預約困難店, 喺 “惡人谷” 略具名氣.🤗 今日掹衫尾, 跟 “意大利長介” 嚟開下眼界, 安排包廂, 十個讚, 房間設一張六人L型壽司吧枱, 環境和諧舒適, 餐具精緻.🥢 午餐 $1000+10%, 包括13貫壽司, 茶碗蒸, 玉子燒, 麵豉湯, 咖啡. “安莉亞” 點咗兩支清酒, 二兔 $880+10%, 月山 $1880+10%.🍥 鮑魚蒸蛋🍣 壽司左口魚墨魚深海池魚鰤魚池魚 帶子赤身大拖羅鯖魚北寄貝鹽水海膽鰻魚太卷🍮 玉子燒🥣 麵豉湯☕️ 咖啡或雪糕🍥 鮑魚蒸蛋. 蒸蛋結實滑溜, 未算燙口, 鮑魚沉底, 夠腍嘅, 但擦唔出火花.🍣 左口魚. 相對厚身, 煙靭軟綿, 加咗海鹽同埋青檸汁, 開段鹽味搶咗少少, 尾段搵番平銜, 不俗.🦑 墨魚. 膠口, 唔靭, 同左口魚前後腳
📖 聽講餐廳原名 Mori, 後來主廚離開自立門戶, 副廚頂上, 改名 “雲隱”, 短時間內成為 預約困難店, 喺 “惡人谷” 略具名氣.
🤗 今日掹衫尾, 跟 “意大利長介” 嚟開下眼界, 安排包廂, 十個讚, 房間設一張六人L型壽司吧枱, 環境和諧舒適, 餐具精緻.
🥢 午餐 $1000+10%, 包括13貫壽司, 茶碗蒸, 玉子燒, 麵豉湯, 咖啡. “安莉亞” 點咗兩支清酒, 二兔 $880+10%, 月山 $1880+10%.
🍥 鮑魚蒸蛋
🍣 壽司
左口魚
墨魚
深海池魚
鰤魚
池魚
帶子
赤身
大拖羅
鯖魚
北寄貝
鹽水海膽
鰻魚
太卷
🍮 玉子燒
🥣 麵豉湯
☕️ 咖啡或雪糕
🍥 鮑魚蒸蛋. 蒸蛋結實滑溜, 未算燙口, 鮑魚沉底, 夠腍嘅, 但擦唔出火花.
🍣 左口魚. 相對厚身, 煙靭軟綿, 加咗海鹽同埋青檸汁, 開段鹽味搶咗少少, 尾段搵番平銜, 不俗.
左口魚
43 views
0 likes
0 comments
墨魚
31 views
0 likes
0 comments
深海池魚
33 views
1 likes
0 comments
鰤魚
42 views
0 likes
0 comments
🍙 借位講講舍利, “雲隱” 嘅舍利出名高酸, 我喺第一件壽司偷咗幾粒出嚟食, 完全唔酸喎, 直到池魚, 突然酸咗, 但又幾舒服, 有趣! 記得我食過最酸嘅舍利仍然喺 “粋”, 酸到覺得魚飯分離.
池魚
28 views
0 likes
0 comments
帶子
26 views
0 likes
0 comments
赤身
32 views
0 likes
0 comments
大拖羅
17 views
0 likes
0 comments
鯖魚
17 views
0 likes
0 comments
北寄貝
8 views
0 likes
0 comments
📖 翻查資料: 海膽嘅保存方式分三種. (1) 原隻海膽, 緊係最新鮮. (2) 板海膽, 喺海膽去殼後, 用凝固劑 - 明礬 - 固定海膽形狀放喺木板或膠盒出售, 但明礬太多就會變苦. (3) 鹽水海膽, 喺海膽去殼後, 將海膽放入 與海水鹽度相同嘅鹽水 裡保存, 比板海膽更保留到鮮味, 但保存期較短.
鹽水海膽
16 views
1 likes
0 comments
鰻魚
13 views
0 likes
0 comments
太卷
55 views
1 likes
0 comments
🥣 麵豉湯. 我鍾意飲熱湯, 味道還好, 略嫌唔夠燙口.
☕️ 咖啡. 完美結束.
🤗 總結: 終於試咗 傳說中 嘅 預約困難店, 可以嚟個傳說對決. 環境: 裝修佈置和諧, 座位舒服, 冇三尖八角古怪位, 呢個真係唔係必然嘅, 例如, Suzuno 新店有條怪柱, 又一字型枱, Hikari 攪唔掂馬路噪音問題.
服務: 整體未算貼心, 勝在收碟靜靜哋, 唔會阻手阻腳.
互動: 師傅放底舊壽司, 講抵魚名, 完. 你問, 佢樂意答嘅, 就係冇咗互動, “甘仔” 話鍾意咁喎, 我完全唔認同. 講互動表演, Suzuno 舊舖 仍然係 我的最愛.
味道: 除咗醬油, 檸汁, 鹽, 唔覺有薑蓉或者其他重手調味, 玩舍利, 玩酸度, 玩溫度, 帶領每件壽司呈現不同嘅層次, 獨一無二嘅體驗.
抵食: $1000 中午十三貫壽司, 唔抵食囉. 我諗起 “鮨宏”, 中午20道菜, $880.
🥰 攻略: 我大概感覺到 “雲隱” 嘅境界, 但又未夠鮨齡去完全理解, $1000 訂價甚高, 短期不敢再試, 同價有其他更有趣嘅選擇.
Post
