八月居 (海港城) (Closed)

夜晚搵地方傾偈食嘢，最後揀咗呢度。脆皮bb豬，平時飲宴先食到嘅嘢依家有得食，仲要唔多，又幾好喎。未算好熱，但堅脆皮同埋肥瘦均勻，正。三蝦燴豆腐，蝦仁蝦乾，仲有一個唔知係咩蝦仁勁彈牙，豆腐吸哂啲汁又幾正喎！送飯一流。菜遠炒牛肉，牛肉腍而夠味，菜少少油，但都可接受嘅。菠蘿咕嚕肉，咕嚕肉堅料，唔會成舊粉咁，其他配菜都唔差，整體係一般以上呢度環境十分好，同隔離枱又唔會太近，而且枱都幾大。地方頗大，唔難搵位，係一個傾偈好地方。