Vici Restaurant & Bar (Closed)

今日同好姊妹一齊去Girls Night 🥰我哋揀咗呢間環境好Chill嘅酒吧，食得好飽😋😋我哋叫咗幾個串燒，第一個係鹽燒白鱔串，佢嘅白鱔好新鮮，外脆內軟，好多肉汁😋免治雞肉棒加埋特製嘅醬汁，加日本雞蛋黃，味道好豐富😍燒汁雞心亦都燒得好香口，咬落去好有口感，食內臟嘅朋友可以試吓😆😆叫左個迷你韓國炸雞，佢嘅炸粉好薄，而且入邊都仲有肉汁，雞肉亦都好鮮嫩，加埋特製嘅辣醬，就好香口，好惹味😍😍而主菜方面我哋叫咗一個意大利粉，一個斑馬火腿薄餅。意大利粉份量好足，意粉煙煙韌韌，而蕃茄醬汁亦都好足夠，每一啖都有濃厚嘅蕃茄醬😋😋斑馬火腿薄餅餅底好薄，配上鹹鹹嘅火腿，加上沙律菜，又唔會太飽😚😚飲品方面，我哋叫咗三杯，第一杯嘅welcome drink Shiso Rolling，好濃郁嘅味道，開胃酒來講唔錯。之後叫咗一杯Mocktail ，同埋一個Cocktail，配上佢嘅環境加音樂，傾偈一流😍