Pancake 專門紗織 (Closed)

今日同朋友喺銅鑼灣行街，行到咁上下決定食個晚飯~見到呢一間非常有東瀛風味，裝修好靚，拿破崙仲要攞過獎添！一於去試吓先！呢度雖然係甜品做主打，但係都有輕食，有意粉🍝丶丼飯等等 ～甜品有好多種唔同味道嘅拿破崙同pancake，我哋兩個今日唔係太餓，今次就試玉桂蘋果拿破崙，同埋日式雜錦便當🍱每個輕食系列已經包括沙律、餐湯、主食同飲品 沙律用上柚子醋，非常新鮮🥰日式雜錦便當賣相好靚，包括有玉子燒、巨型蟹棒、炸雞同芝士漢堡扒，玉子燒夠厚，又有蛋味，好好食！餐茶要咗焙茶，清新好飲跟住之後個玉桂蘋果拿破崙，果然係得獎甜品，又薄又脆，中間還有一層忌廉，再配上肉桂味道，超級好味！下次可以試吓其他嘢🍮