Video
Read full review
2021-09-20
74 views
行南豐紗廠行到攰就係到食埋嘢，最鍾意依間餐廳係可以帶埋毛孩嚟㗎，見到隔離檯隻狗仔好QQ啊！依到有戶外座位，如果天氣涼啲出面食應該好正！菠菜芝士意大利雲吞聽講意大利北部嘅人會大多配牛油忌廉白汁，南部則鍾意淋上番茄肉醬。平時比較少食，雲吞嘅餡料雖然得芝士同蔬菜為主，但一啲都無失色兩者比例剛好。香蒜辣椒青口意粉味道比較淡，蒜蓉愛好者表示可以再多啲﹐但朋友話對佢嚟講剛剛好。意粉帶有少許微辣感，更加開胃好食。另外青口都幾有鮮味，而且係肥厚大隻唔會乾爭爭。食到後來加啲意大利雲吞嘅汁撈埋，又別有滋味。榛子朱古力球天神嘅禮物啊，仲要係放大版！好似食緊巨型金莎～愛甜嘅人表示2個人分享食剛剛好。唔係”死甜"，係帶點黑朱古力嘅甘味，不過食到最後都係有啲膩。海鹽法式吐司驚喜嘅吐司～係比想像更好食呢有丹麥吐司嘅酥脆感，加埋海鹽忌廉係鹹甜之間得到平衡。再加上係即點即整，所以熱辣辣更加分。佢仲提供埋楓糖漿，好似享受埋升級版熱香餅。熱情果伯爵茶雜果冰真‧雜果冰，佢啲冰入面真係包著唔同雜果。飲到尾段比較甜膩，可能係因為太多雜果攪拌唔到。唔知叫好定唔好～haha紅提乳酪梳打依杯朋友好鍾意飲！夠曬清新，特別係食完榛子朱古力
見到隔離檯隻狗仔好QQ啊！依到有戶外座位，如果天氣涼啲出面食應該好正！
菠菜芝士意大利雲吞聽講意大利北部嘅人會大多配牛油忌廉白汁，南部則鍾意淋上番茄肉醬。
平時比較少食，雲吞嘅餡料雖然得芝士同蔬菜為主，但一啲都無失色兩者比例剛好。
香蒜辣椒青口意粉
味道比較淡，蒜蓉愛好者表示可以再多啲﹐但朋友話對佢嚟講剛剛好。
意粉帶有少許微辣感，更加開胃好食。另外青口都幾有鮮味，而且係肥厚大隻唔會乾爭爭。
食到後來加啲意大利雲吞嘅汁撈埋，又別有滋味。
榛子朱古力球
天神嘅禮物啊，仲要係放大版！
好似食緊巨型金莎～愛甜嘅人表示2個人分享食剛剛好。
唔係”死甜"，係帶點黑朱古力嘅甘味，不過食到最後都係有啲膩。
海鹽法式吐司驚喜嘅吐司～係比想像更好食呢
有丹麥吐司嘅酥脆感，加埋海鹽忌廉係鹹甜之間得到平衡。
再加上係即點即整，所以熱辣辣更加分。佢仲提供埋楓糖漿，好似享受埋升級版熱香餅。
熱情果伯爵茶雜果冰真‧雜果冰，佢啲冰入面真係包著唔同雜果。飲到尾段比較甜膩，可能係因為太多雜果攪拌唔到。
唔知叫好定唔好～haha
紅提乳酪梳打依杯朋友好鍾意飲！夠曬清新，特別係食完榛子朱古力之後飲，真係一流。
上面啲提子仲可以食埋～
果日人流唔算好多，所以食得都幾舒服。同埋傾計一流～環境唔會太嘈又坐得舒服。
Post
