Crafty Cow (Closed)

星期二早收工，決定同同事搵間bar吹下水，去到上環見到呢間CRAFTY COW裝修幾靚幾吸引，決定入黎試下～點知好有驚喜入到黎係一位外藉店員招呼我地XD佢一口流利既英文搞到我有少少緊張，但係我懷疑佢係識聽廣東話架餐牌都係全英，我地6點去到店員話岩岩好仲有得叫LUNCH。 店員好熱情咁向我地推介和牛漢堡，所以我就叫左XD個漢堡賣相已經非常吸引，漢堡排好厚，份量好充足，個包係平時比較少見既黑色麥包，睇上去幾特別～漢堡食落真係勁好食！漢堡排並未煎至全熟，食落勁多肉汁勁有牛味！個包中間有D核桃，質感幾特別。我個人覺得＄98食到呢個水準既漢堡係幾抵！其實我地本來係打算黎飲野既，點知LUNCH MENU淨係包茶、咖啡等飲品，酒精飲品係要另外加錢，所以我就叫左杯日本抹茶喇，點知非常驚喜！其實我個人係非常喜歡抹茶，同時間對抹茶既要求亦都比較高，所以令我覺得好飲既抹茶我淨係係日本飲過，但係呢杯抹茶既質素我覺得係拍得住日本果D飲落有勁香濃既抹茶味～正呀雖然最後我地都冇飲到酒，但係我地對呢餐飯都相當滿意因為D野食真係好食同坐得好舒服，睇得出老板係有花心思去搞好佢XD 或者下次黎我會試下呢度D手工啤～睇上去都