Infinity Workshop Cafe (Closed)

約左好耐無見既同事食飯，佢地想試下呢度既三眼仔熱鮮奶綠茶，所以就book位黎左。7點入座，埸內大概7成滿。一層過，所以空間都幾大，座位間距都闊。首先來的是意式煙肉蛋汁意粉，意粉偏腍，不過可接受，個汁是稀的，要用匙羹幫手先食到，可以唔係好掛到上d麵度，不過是好味的！三眼仔熱鮮奶綠茶打卡之選~吞拿魚碎蛋沙律配煙肉薯蓉個薯蓉莘好香牛油味，外面個層係焗左有d芝士包住，入面就軟滑~ 如果個量再多d就好啦~忌廉明太子三文魚意粉這個是後來加點的，這個汁比第一個的汁杰！唔知點解有d甜味~ 個三文魚就咸d~ 可能太杰，有少少膩，同埋我都叫左好多野，就食唔哂個意粉。店員見到食剩咁多有主動問我地係咪唔好食，可以話比佢地知去改良，都幾有禮拜。態度幾好。最後我地都坐到11點先離開。總結，食物普通，價錢偏貴，但環境ok，可以坐好耐！上菜時間真係有d耐，如果肚餓就係下面食少少野先上黎會好d。