Le Pain Quotidien (Closed)

約好友食晚飯，想搵個靜靜地嘅地方傾計，可能係平日，呢度只係坐左兩枱人，當時落緊雨涼涼地，想享受下自然風，我地就坐半露天嗰邊喇。叫左冇幾耐Tuscan Platter 同 Meatball Liegeoise 一齊上，但我會prefer 黎左個platter先，下次我識點嗌了 XD。Platter 好豐富，salami 有油香得黎又唔會太鹹，用手食更滋味，哈哈！Prosciutto 無論就咁食，定加埋充滿奶香嘅ricotta 同自家麵包都好好味，令我一啖接一啖停唔到！d ham 本身都好得，配埋香甜嘅哈蜜瓜就更加不得了！ 想解下膩，就食粒酸洋蔥，好爽甜又多汁，正！另外，將Sun-dried tomatoes同買埋rocket放喺麵包上面一齊食都唔錯。麵包方面，自己就鍾意法飽多d，軟麥包帶點酸唔係我杯茶。到左主菜，切開肉丸冇乜肉汁，幸好個Liegeoise sauce 甜甜地都唔錯，咁就點多汁黎伴住食啦。旁邊嘅roasted potato wedges 凍冰冰唔吸引，配薯蓉可能會更好。比起個platter，我就覺得呢個肉丸唔抵食喇，一黎份量比較少，最重要係味道普通。整體黎講呢度夜晚靜靜地氣