Outback Steakhouse (銅鑼灣廣場一期)

Open Now

Now Closed

今日約咗四個朋友仔去銅鑼灣食午餐，其中一人有張優惠券，可以叫三個午餐免費送一個，於是我哋就用咗呢個優惠！既然有優惠，當然叫得越貴就越抵啦，於是其中三個要美國牛柳($198)，兩個要肉眼扒($218)。未嚟主菜之前先有佢個招牌黑糖麵包，呢個包我一向興趣不大，所以食咗少少，之後有個忌廉蘑菇湯同沙律，個湯幾好飲，沙律都算新鮮。我個主菜係五成熟嘅肉眼扒，切開嘅時候都冇overcook，有少少血水，食落口有肉眼扒應有嘅牛味，塊扒都算大，亦都好多薯條，側邊仲有啲配菜，所以食晒成碟野都幾飽。最後買單加埋一，每位$187，都算抵食，而且唔會吹人走，好適合幾個朋友傾計食飯。