長廊 (Changed Hand) New Restaurant

是日同朋友補祝生日，想搵個地方傾計，所以決定嘆下午茶。以前唔知原來1881有餐廳，爭d搵唔到路。見到餐牌有兩款，個懷舊下午茶好搞笑，有波蘿包，蛋治。但係無理由比$398食茶餐廳野，最後我地決定叫返英式下午茶。個scone幾好，上來仲有熱度，不過質地係偏軟gei。其他甜點都太甜，賣相亦一般，真心美心西餅仲好味。反而鹹點唔錯。咖啡賣相一般，拉花其實係一堆cream來（滴汗）最後，我覺得呢度好好坐，傾計一流，服務好好，但食物真心一般。