蒲田日本料理 (Closed)

新年新驚喜，honey居然收早，仲專登走黎小肥公司樓下等收工，一同覓食，真係冧爆 ！奈何XO仔當晚家中有要事，二人不得不怱怱進食，結果就隨意地揀選咗公司附近一間日式餐廳「蒲田日本料理」，試食門外正在推廣o既二人套餐。位於活道o既「蒲田」四周都係食肆，門外泊滿私家車，但似乎冇一架喺黎食日本野，漆黑o既店舖內只有我地情侶一雙及食店職員 。餐廳室內光線暗淡，拍攝出黎o既相片效果不大理想。左右兩邊牆身都掛上電視，聲浪尚可接受。右手邊全為較舒適o既梳化式卡位，左手邊及中央位置則為拼合式四方木枱櫈散座，排得都好密。見店內未有其他顧客，小肥就好客氣地問姐姐仔可否安排入座卡位，點知佢話一陣會好多人黎，卡位係留返比四至六人嗰啲客坐；一如所料，直至我地離開，餐室內都只係得其餘兩枱食客，卡位全晚空置 。入門口前已經諗定要食二人套餐，所以一埋位就順勢叫埋食物。「和食二人套餐」每客$428，包有刺身拼盤、魚生野菜沙律、豚肉露筍串、沙椎魚天婦羅、鐡板燒法國鵝肝、海鹽燒大蝦、牛肉火鍋、麵豉湯、白飯及甜品，種類豐富。食物五分鐘內已陸續送上，餐桌好快就已經擺得滿滿，好明顯姐姐仔從無理會客人進食速度 。茶杯餐具大