曼谷車站

Open Now

Now Closed

呢間餐廳就一啲都唔陌生，經常光顧佢下午茶，價錢平食物正。晚飯就比較少食，今日約左九龍灣返工嘅朋友一齊晚飯，我就推薦左佢食呢間餐廳，真係無介紹錯，價錢親民，食物好食。餐廳以火車廂裝修，環境舒適闊落，卡位坐得好舒服，仿佛在火車廂進食了一餐泰菜。正宗泰式海南雞 半隻 $85雞肉軟滑，一啲都唔「鞋」，仲好有雞味，完全無雪藏味。精髓當然要配合埋三款醬汁去食：辣醬、蒜蓉醬、豉油，任君選擇，真係好滋味。燒豬頸肉 $75肉質爽滑彈牙，一啲都唔油膩，配上秘製辣醬，令人難以抗拒。蒜蓉炒翡翠苗 $57🌱菜苗清甜爽脆，而且幼嫩，食起上黎，一啲都唔老，唔會起渣。食得多肉，都真係要食返個菜幫助消化。椰青 $35天時暑熱叫個椰青就啱啦，飲落香甜，真係消暑佳品，發覺飲一個都唔夠喉，因為實在太好飲。總結，餐廳值得推介，價錢親民，食物質素高。