炑八韓烤 (青衣城1)

Open Now

Now Closed

最近這個商場有優惠，消費$1000已經有$300禮券回贈，非常刺激到我消費嘅心情！最開心當然係吃大餐啦，於是乎就出動去韓燒！果然嚟到非常爆場，可見大家的想法和我都是一樣！今次食咗鹽蔥牛舌旨味套餐，呢款套餐都幾抵食，尤其適合兩個人，因為每一款份量唔算好多，但係就可以試到勁多款肉類，例如有軟糯香濃芝士生蠔、香口肥美蔥蒜牛五花、油香四溢嘅秘製醬油豬五花、爽實口感嘅蔥蒜牛舌、醃得香甜的牛胸腹肉和嫩滑炭香嘅梨汁雞腿肉。仲配搭埋非常地道嘅薯仔牛骨湯！菜乾薯仔湯非常下火，好適合食完韓燒飲返兩啖！味道濃郁，實而不華，仲有一大塊煲到好淋好入味嘅牛骨肉，入口軟綿綿好鮮味，係有100分嘅！飯桶就要吃點飯，叫了石頭鍋飯和韓式紫菜飯！熱辣辣嘅石頭雜錦拌飯，加上韓式辣椒醬，味道刺激得來，因為有好多蔬菜，又會覺得好健康！最頂癮係非常香口嘅飯焦，同煲仔飯有得揮！這邊也有很多冬季熱飲，推介薑橙熱飲，不太辛辣的薑味，偶爾散發一點橙香，飲起來很暖胃！玫瑰佛手柑熱飲也會是個不錯的選擇，淡淡的玫瑰香氣不會過分濃烈，然後佛手柑非常舒緩喉嚨，有一種清潤的感覺。