Baked By Shangri-La

Open Now

Now Closed

充滿驚喜😱，無諗到酒店🏨裡面嘅餅店會係哩個價錢💰，真叫人難以置信！無論係pastry 🥐🍩🥧🧁，朱古力🍫定馬卡龍，都平過出裡好多餅店，忍唔住要大手購入，相信酒店嘅質素差極有個譜。好貪心咁叫咗三件pastry（白桃牛角包🥐、藍莓丹麥酥🫐同肉桂卷）同四件馬卡龍（黑加侖子、椰子🥥、杏桃🍑同香橙🍊）。pastry大約$35一件，馬卡龍$15一粒，超值！1️⃣ 馬卡龍 $15特別鍾意椰子味，比較少見，應該係我第一次見同食。椰子味清香，甜度適中，比一般食嘅無咁甜。不過因為隔咗半日先食，天氣又熱，所以有啲溶溶哋，食落無咗煙韌口感，激氣！要再回購再即食！2️⃣ 藍莓丹麥酥 🫐好誇張嘅藍莓山！起碼有三十粒以上！要成功令啲藍莓安全唔跌拎到返屋企真係好考功夫。藍莓好甜好新鮮，丹麥酥好香脆，裡面煙靱。白桃牛角包同肉桂卷都好食，會繼續支持。