板燒郎燒肉鐵板放題料理專門店 (Closed)

整體來講都係可以接受。食物款類都有幾多下，又有壽司刺身同埋熟食，可以選擇網燒丶鐵板燒仲有蒸氣火鍋，比其他餐廳嘅有多啲花款，抵讚 。食物質素喺放題餐廳之中都算中等以上，雖然未至於去到酒店咁高質素，但係都有幾款食物幾推介，羊架丶和味一口牛仲有泰式生蝦，呢幾樣食物係有一定嘅水準，絕對會翻叫。美中不足嘅就係肉類選擇唔係好多，比較單調乏味。其次嘅就係壽司同刺身，師父擺得整整齊齊又有心思，味道又新鮮到位，反而壽司嘅種類就有好多，唔係對壽司情有獨鍾嘅我都全部叫咗幾件嚟試吓，亦都係有驚喜嘅，和牛壽司好有牛味。價格都係非常平都係，只不過＄200唔使就食四個鐘。