桜

Open Now

Now Closed

記得早排香港仲好流行食手卷，但香港人嘅創意真係無窮無盡，好快就比其他野取代！雖然係咁，但今日行過荃灣路德圍，呢到仍然好多唔同嘅食店，而呢間手卷店都仲係好多人等緊，咁就一於試試佢！今日同我嘅好閨蜜食盡佢！先黎一人一個手卷，我要咗個三文魚腩，朋友要咗個玻璃蝦！個蝦勁大隻，朋友話又都好新鮮，望到都覺得幾吸引！！而我嘅三文魚腩都好肥美😋😋之前我地仲要咗個蟹將軍丼，我地計過，咁樣叫應該抵食過叫兩個軟殼蟹手卷😎😎 原隻嘅軟殼蟹炸到岩岩好！ 仲要見到有蟹膏😋 成個飯除咗有蟹之外，仲有蟹籽同蟹柳，同啲飯一齊食岩岩好，又唔會太單調，難怪叫蟹將軍。另外仲試咗新野，吉列沙律三文治！ 呢個就無咩特別嘅，整體唔算太油，間中試下新野都幾好。仲有個好抵食嘅忌廉蟹肉薯餅，廿二蚊三件！出面仲有邊度可食到咁平？！ 所以二話不說就叫咗。