8番拉麵 (Closed)

同朋友嚟九龍灣德福廣場 Foodeli 食晏，朋友想食麵，而我就想食飯，見到呢間「8 番拉麵」嘅套餐價錢好經濟，有拉麵、沾麵同炒飯等供應，一於試下。點咗直源醬油吉列豬扒沾麵 ($78) 同 鰻魚炒飯 ($66)，另外仲加配咗 2 款小食同汽水。豬扒炸至金黃色，外層酥香脆口，乾身又唔會油膩。湯汁採用有超過 400 年釀造技術嘅金沢著名品牌「直源醬油」炮製，濃淡得宜。把麵浸泡在微暖嘅湯汁內，麵條煙韌彈牙，掛湯力強，盡吸沾汁精華，啖啖滋味。鰻魚炒飯水準亦唔錯，熱辣辣、香噴噴，而且非常足料，米飯粒粒分明，但又唔會過乾或過油；鰻魚切成小丁方，弄得很香很甜，跟炒飯配合，絕對值得一試！小食揀咗芝麻雞翼 (+$20) 同 吉列炸蝦 (+$22)，雞翼皮脆肉嫩，入口啖啖芝麻香；炸蝦鬆脆可口，沾上傳統他他醬，非常美味。