滿泰

Open Now

Now Closed

今日中午機，要係機場解決午餐，一年前開始裝修、一號大樓禁區內既餐廳位置，已經無左老麥同埋大力水手呢兩間漢堡薯氣汽水、平平地既快餐店，個裝修成年都未攪好，好期待有返呢兩間快餐店，到而家仲有部份圍緊板，都唔知究竟要攪幾耐。行左一個圈，就選定左 Moon Thai，價錢比隔離左右既正常同合理，同埋之前都有食過，起碼叫做有啲信心。今日點左一個芭堤雅燒雞套餐（$88）同海南鮮雞金邊粉（$68）。芭堤雅燒雞套餐跟一個泰式酸辣汁同酸蘿白，個泰式酸辣汁同燒雞好夾，咁岩係雞脾位，啖啖肉，雞皮好香，肉又滑，有湯又有飯，呢個價錢同呢個位置黎講，已經無得再挑剔，海南鮮雞金邊粉之前係呢道食過，雞滑、份量多，湯底清得黎好濃郁，蘿白都好入味，堅好滿足!! 食飽飽就出發散心去了 ~ !!相信下一次都會繼續幫襯 Moon Thai。