柳氏家 (Closed)

情人節當日夜一夜先係中大放學，同朋友決定係沙田覓食，見到柳氏家有宵夜優惠，九點後入座食75分鐘既放題，可以減五十蚊，所以就攞飛等位，因為當晚好多情侶等位，所以等左半個鐘左右先入到去。因為朋友唔食得辣，所以就叫左個期間限定既牛油蒜香雞，料係好足，因為佢仲送埋兩碟肥牛，但味道就麻麻，比較淡，雞無點醃過，炒飯亦癡曬底。唯一覺得好掂既係紫薯年糕，個紫薯餡好清甜。食完個炒雞同炒飯其實已經好飽，但都想打邊爐淥小小菜食，點知轉個火鍋湯底又會比多幾舊雞我地，有少少浪費。打完邊爐又有雪糕可以食，其實以百幾蚊黎講既放題算係超抵，邊爐又有海鮮料，沙律bar同配料都任拎，雖然炒雞同火鍋湯底就無咩聞味，但以飽肚同多選擇黎講係贏曬。