Interval (The LOHAS康城) (Closed)

我睇完戲就喺戲院附近搵嘢食，由於康城商場好多舖頭未開，食店選擇又少，見到interval 裝修都幾靚，人又唔多，仲有set lunch，就決定去試吓。入到去一坐低，冷氣勁凍，張枱又細，見隔離嗰邊有位，就問可唔可以換枱，點知個侍應話我幫你校細啲冷氣，就冇俾我哋換位。（果陣未叫野食，已將過lunch time,無人等位。到我地食完，都仲有好多吉位，而我地原本想坐嘅位，都係俾左一個人坐🙄)開頭見到個Menu，見一個set lunch係$108 ，以為都OK抵，點知原來每個main course價錢唔一樣。$108果個係素菜意粉…..每個平均可能要加多$20至$90，最後兩個人淨係set lunch食咗三百幾蚊，冇嘢飲，價錢有啲貴。講返食物質素，整體唔錯嘅。不過呢就上咗意粉先，跟住先至上個湯俾我哋。張枱有細，放完碟意粉，再放多兩碗湯已經無位。為咗有位急急腳咁樣飲完碗湯。南瓜湯，ok 啦，不過不失。日式溫泉蛋carbonara 意粉味道唔錯法國藍蝦扁意粉，覺得啲蝦唔夠彈口。埋單兩人$326，無叫野飲，只係食左三樣野，真心貴。