泓 (Closed)

聽朋友講屯門有間鐵板燒廚師發板，近近地即管去會一會。叫咗兩個lunch set前菜沙律🥗最基本新鮮沙律菜+蕃茄仔+粟米粒+麻醬廚師會擺好靚盤，新鮮食材任你睇！！主菜有🐟三文魚、龍脷柳、比目魚、日本帶子全部煎得又香又滑，好美味😋原本餐牌上是美國安格斯牛柳和西冷，向廚師表明我嘅有人唔食牛，即時幫我哋換上黑毛豬扒，態度良好！牛柳火喉十足，5至7成熟嫩滑度剛剛好，完全無韌既感覺，齒頰留香，令人回味！黃金炒飯好高水準，用既係日本珍珠米，睇住廚師由一盤白飯，炒至粒粒金黃分明，味道一流。最後甜品係士多啤梨椰汁糕🍓甜度適中，大人小朋友都啱食！老實講，睇得出廚師有功架，食物質素係好既！但論環境似乎仲有進步空間，冷氣亦唔太夠，勝在價格相宜，屬於新界區平民化的Omakase 。