六榕仙館

Open Now

Now Closed

細細個就己經知道呢間位於佐敦區，歷史悠久的齋菜館，但就一次都未幫襯過。因為想食齋菜，所以上openrice搵料。原本想去南蓮園池裡面那間，後來見呢度評價都幾好，臨時改變計劃來了這裡。呢度係開張經年的舊式齋菜館，所以佈置略為簡單，招呼的阿姐也有個別服務態度不太理想，愛理不理的，這方面如果改善一吓會好些。因為午市，沒有叫它的二人套餐，只係散叫了一碟齋鹵味，一碟羅漢齋炒麵同一碟香菜粒炒飯試吓。碟齋鹵味都唔錯，味道適中；碟羅漢齋炒麵都幾足料，但就油多了點，而且好似料多過麵，味道就係正常發揮啦；至於碟香菜粒炒飯味道就清清甜甜，d菜甫同切碎了的菜段混和在飯中的感覺幾夾，只係d油都仲係多了些，如果可以炒得乾身點會較佳。埋單計數兩個人都係$90度，都可算抵食。希望下次再來，可以試吓呢度的小菜水準啦！