九份•十分 (Closed)

夜晚9點幾兩個人去食。台面上預先放咗一set碗筷，亦有唔同香料粉同醬汁俾客人用。一共食左2個牛肉麵、1碟三杯雞、飲咗2杯珍珠奶茶。牛肉麵份量頗多，味道冇特別，60幾蚊算中規中矩。三杯雞一食就知用急凍雞扒切成一舊舊再整，想啜下雞骨都冇，收成70蚊碟真係冇乜誠意。珍珠奶茶22蚊杯，唔知同街邊台式飲品店賣嘅有咩分別。兩個人251蚊埋單，含加一，咁嘅價錢可以有更好選擇。不過店內衞生環境唔錯，店員服務態度都ok。唔反對各位可以親身去試，不過我自己唔會再入去食嘢。