Video
Read full review
2021-05-11
46 views
平時好少過嚟灣仔呢邊，但係灣仔都係一個美食多羅嘅地方，呢呢間西餐喺網上面見到嘅時候覺得幾好格調，唔使食物唔貴所以就嚟試一試。首先一入門口就係一個open kitchen，裏面環境昏暗，有高枱高凳，如果想飲嘢嘅話就好有feel。《Seafood Gambas》$128海鮮linguine, 份量比一般西餐廳多，linguine忌廉汁夠，口感都唔錯。海鮮主要包括蝦同埋帶子，蝦仁大粒又爽彈。《雞肉牛油果潛艇堡》$128上枱嘅時候見到好大份，覺得好驚訝！潛艇堡嘅法包焗得外脆內軟，放左一陣都仲脆口，而入面嘅配料好足！想讚一讚嘅係雞肉，雖然係雞胸但係煎過，所以食落脆脆地同埋好夠香，有一點點乾但唔影響味道，而隔離嘅薯條都唔係普通薯條，表面仲有薯皮，即炸出黎好香脆！《Chicken Chorizo Pizza》$150Pizza 十吋，有雞肉、墨西哥辣肉腸、芝士、橄欖、火箭菜等等，好豐富！而且Pizza餅底都做得幾好，薄得來焗到好脆，正！《Nutella Cheesecake》$62食完主食當然要食多份甜品，鍾意朱古力又鍾意cheesecake嘅我當然呢一個係第一選擇！Nutella味道幾重，仲有朱古
首先一入門口就係一個open kitchen，裏面環境昏暗，有高枱高凳，如果想飲嘢嘅話就好有feel。
《Seafood Gambas》$128
海鮮linguine, 份量比一般西餐廳多，linguine忌廉汁夠，口感都唔錯。海鮮主要包括蝦同埋帶子，蝦仁大粒又爽彈。
《雞肉牛油果潛艇堡》$128
上枱嘅時候見到好大份，覺得好驚訝！潛艇堡嘅法包焗得外脆內軟，放左一陣都仲脆口，而入面嘅配料好足！想讚一讚嘅係雞肉，雖然係雞胸但係煎過，所以食落脆脆地同埋好夠香，有一點點乾但唔影響味道，而隔離嘅薯條都唔係普通薯條，表面仲有薯皮，即炸出黎好香脆！
《Chicken Chorizo Pizza》$150
Pizza 十吋，有雞肉、墨西哥辣肉腸、芝士、橄欖、火箭菜等等，好豐富！而且Pizza餅底都做得幾好，薄得來焗到好脆，
正！
《Nutella Cheesecake》$62
食完主食當然要食多份甜品，鍾意朱古力又鍾意cheesecake嘅我當然呢一個係第一選擇！Nutella味道幾重，仲有朱古力碎，增添左層次感，而cheesecake就不過不失，有少少鬆散。
總括嚟講呢度嘅食物都幾好，重點係價錢真係好親民，環境又帶點high class，如果想舒舒服服食餐西餐，推薦嚟呢度。
Post
