Video
Read full review
2019-02-16
112 views
餐廳喺旺角創興廣場，佔足一層，空間感十足，自助餐區都寬闊啲，唔駛迫嚟迫去，食得舒服。【美國頂級牛小排 正價$368】120分鐘任叫牛小扒之外，仲有黑毛豬豚肉同雞腿肉+刺身任食+火鍋料任食+海鮮盛合+任飲。有八種湯底選擇，日式和牛清湯淡淡哋唔怕遮蓋食材味道；日式豆乳湯就稍嫌太淡，豆乳味唔夠突出。出去睇吓自助區。飲品有咖啡機，飲品除咗罐裝仲有支裝。火鍋料有啲都幾特別，芝士獅士狗、漿爆芝士球啱晒芝士迷，亦有日式shabu shabu比較少見嘅炸魚皮、響鈴；仲有一包包嘅出前一丁、辛辣麵添～刺身就係剔紙仔任叫，除左必食三文魚吞拿魚外，北寄貝好爽好juicy，劍魚腩就夠油香，新鮮高質。美國頂級牛小排，油脂都幾豐富，淥完仲係入口嫩滑。配角嘅黑毛豬豚肉、雞腿肉都亦都不錯。海鮮盛合有兩種選擇，我哋叫咗A、B各一。有齊南非龍蝦(每位半隻)、海蝦、花甲、扇貝、鮑魚、桶蠔、爆膏奄仔蟹(每位半隻)、海蝦、沙白、蟶子皇、貴妃蚌、青口。隻龍蝦雖然已經切開咗半隻，但啲手腳觸鬚仲郁架，超新鮮；桶蠔亦相當大隻，淥完都冇乜縮水；蟶子皇夠大條，好鮮甜；其他扇貝、鮑䙳、貴妃蚌都夠高質。三百幾蚊有齊靚肉刺身任食，再加靚海鮮，CP
【美國頂級牛小排 正價$368】120分鐘任叫牛小扒之外，仲有黑毛豬豚肉同雞腿肉+刺身任食+火鍋料任食+海鮮盛合+任飲。
有八種湯底選擇，日式和牛清湯淡淡哋唔怕遮蓋食材味道；日式豆乳湯就稍嫌太淡，豆乳味唔夠突出。
出去睇吓自助區。飲品有咖啡機，飲品除咗罐裝仲有支裝。
火鍋料有啲都幾特別，芝士獅士狗、漿爆芝士球啱晒芝士迷，亦有日式shabu shabu比較少見嘅炸魚皮、響鈴；仲有一包包嘅出前一丁、辛辣麵添～
刺身就係剔紙仔任叫，除左必食三文魚吞拿魚外，北寄貝好爽好juicy，劍魚腩就夠油香，新鮮高質。
美國頂級牛小排，油脂都幾豐富，淥完仲係入口嫩滑。配角嘅黑毛豬豚肉、雞腿肉都亦都不錯。
海鮮盛合有兩種選擇，我哋叫咗A、B各一。有齊南非龍蝦(每位半隻)、海蝦、花甲、扇貝、鮑魚、桶蠔、爆膏奄仔蟹(每位半隻)、海蝦、沙白、蟶子皇、貴妃蚌、青口。隻龍蝦雖然已經切開咗半隻，但啲手腳觸鬚仲郁架，超新鮮；桶蠔亦相當大隻，淥完都冇乜縮水；蟶子皇夠大條，好鮮甜；其他扇貝、鮑䙳、貴妃蚌都夠高質。
三百幾蚊有齊靚肉刺身任食，再加靚海鮮，CP值都算高。想再平啲可以非繁忙時間去，有早鳥、夜割優惠，仲有最抵嘅深夜割優惠，夜晚11點後入座只係$268仲要無限時，啱晒蒲完旺角嘅夜鬼去食。
Post
