Cafe Siam (科士街) (Closed)

之前跨年諗住食好少少, 去左Cafe Siam食泰國菜三個人就食個二人套餐, 再加多兩份小食啦<炭燒豬頸肉>上次嚟食飯嘅時候記得佢嘅炭燒豬頸肉燒得金黃好香口, 今次又再encore果然保持到水準, 豬頸肉口感爽口值得一試<蕉葉燒鱸魚>海鮮價錢就有些少貴, 燒鱸魚係幾香口嘅, 但唔算好肥美, 性價比一般<二人套餐>二人套餐相對想散嗌會比較優惠, 套餐包括雞肉沙嗲、豬肉沙嗲、青木瓜沙律、暹館大蝦金邊粉、香辣雜菜炒牛肉同埋泰式飛天通菜, 整體黎講都相當豐盛<雞肉沙嗲(左)及豬肉沙嗲(右)>串燒炭燒味十足, 可惜得兩串, 唔夠喉<青木瓜沙律>香辣爽脆, 食下食下又幾過癮<暹館大蝦金邊粉>金邊粉甜甜地濕濕地, 開胃好味道<香辣雜菜炒牛肉>香料味比較重, 但牛肉鮮嫩惹味<泰式飛天通菜>蒜香十足, 有鑊氣