酷廚 (Closed)

青咖喱雞球飯除咗辣之外完全冇其他味，連咖喱味都唔太覺，好似食緊辣椒粉揼咗落湯咁，只不過係好多辣椒粉。辣味淨係齋辣嗰種，冇香味，食咗一半已經食唔落去。環境太嘈，同朋友傾偈成日聽得唔清楚（可能因為係有少少近放飯時間，啲位又有啲迫），迫嗱嗱臨食完即刻走。如果大家係注重環境諗住慢慢食慢慢同朋友傾偈嘅話，我就唔建議喺呢間餐廳啦。如果用同樣嘅價錢喺D2 place都可以食到俾佢好食又抵食嘅嘢，都幾失望，以後都唔會再幫襯。