Video
Read full review
2014-04-05
997 views
星期五夜晚去The One，周圍都多人到爆要等成幾十張枱，唯一呢度只係等幾張枱就有位。一坐低見到餐牌已經知道點解，雖然唔係非常貴，但係整體價位都係於其他食肆之上。叫左個$368.8既美、意、日二人晚餐，有湯有野飲再加main courses同埋甜品，份量就夠多喇，但食物既質素只係一般……是日餐湯︰只係得磨菇湯冇其他choice。雖然係咁，但都算交足功課，唔算太稀之餘都仲有少少磨菇既香味，OK啦！杏片乳酪什果沙律︰什果沙律都係D罐頭質素，冇乜驚喜可言。另外由於俾既sauce實在少得過份既關係，食雜菜既時候乾爭爭，好似牛食草咁，加上蔬菜應該一早就準備好晒，所以口感非常差！炭燒美國豬肋腓伴原條牛油粟米︰Baby ribs燒得非常入味，調味調得甜甜地之餘又唔會焗得過喉太過乾身。薯條方面都焗得好入味，唯一要批評既係D牛油粟米太過乾身，似係一早整定好晒。日式蟹皇忌廉汁焗帶子意大利麵︰口感非常特別，同平時一般既焗飯/意粉好唔同，質感相對較為濕同埋juicy！忌廉汁既份量啱啱好，唔會太濕好似一pat野。不過，成碟野只係得兩隻細細既帶子真係有D過份姑寒！甘味盛合︰成餐飯最特別既亮點！士多啤梨雪糕雖然都只
是日餐湯︰只係得磨菇湯冇其他choice。雖然係咁，但都算交足功課，唔算太稀之餘都仲有少少磨菇既香味，OK啦！
杏片乳酪什果沙律︰什果沙律都係D罐頭質素，冇乜驚喜可言。另外由於俾既sauce實在少得過份既關係，食雜菜既時候乾爭爭，好似牛食草咁，加上蔬菜應該一早就準備好晒，所以口感非常差！
炭燒美國豬肋腓伴原條牛油粟米︰Baby ribs燒得非常入味，調味調得甜甜地之餘又唔會焗得過喉太過乾身。薯條方面都焗得好入味，唯一要批評既係D牛油粟米太過乾身，似係一早整定好晒。
日式蟹皇忌廉汁焗帶子意大利麵︰口感非常特別，同平時一般既焗飯/意粉好唔同，質感相對較為濕同埋juicy！忌廉汁既份量啱啱好，唔會太濕好似一pat野。不過，成碟野只係得兩隻細細既帶子真係有D過份姑寒！
甘味盛合︰成餐飯最特別既亮點！士多啤梨雪糕雖然都只係D一般普通野，但其餘兩樣好似cheese cake同埋chocolate moose都非常yummy yummy！
老實講，整體食物除甜品外真係非常一般，given我要俾咁既價錢，我相信坊間大把選擇，只係要喺The One裏面搵食真係難過乜咁先別無選擇！
Post
