羅麥記 (荃新天地) (Closed)

今日下午茶時間經開荃灣，見個肚有啲餓決定食埋個下午茶先返屋企。星期一下午茶時間人唔算多。下午茶時間亦都可以叫午餐。不過我都係食下午茶算。下午茶選擇都算多，有分飯麵類同比較輕食類。最後我揀咗雞髀配薯條加杯凍啡，先講杯凍啡，啡味濃得嚟又唔算甜。而且都幾大杯。炸雞髀可能因為即炸嘅關係，都要等左大約十分鐘。炸雞髀唔算太多油。而且雞髀亦充滿肉汁。唔會炸到乾身。薯條亦都係即炸。上碟嘅時候都係熱辣辣。味道其實都ok嘅，但下午茶嘅價錢都要45好似又貴左少少。