上海小南國 (MegaBox) (Closed)

平時去MegaBox有啲驚因為太多人啦！不過今日去搏一搏睇吓長假期之後有冇人，真係人比平時少左好多。行到攰小編就同家人去上海小南國食晚餐，今日餐廳都好小人大約坐左五成客左右。試咗幾款未食過嘅菜•外婆紅燒肉-呢個有驚喜個紅燒肉味道同埋啲菇好好味，不過有兩舊真係淨肥豬肉最後都冇食到。•生煎包-全晚最差菜式，Presentation幾好，不過凍嘅• 螞蟻上樹-小小辣，味道未去到話好吸引•蟹粉豆腐-我期望其實好高，不過只係一般般整體來講不過不失，不過價錢真係有啲偏高，如果要等位嘅話都唔會考慮佢。