美味佳 (Closed)

第一次黎食，係門口見到姨姨係到燒雞翼，比佢吸引左入去試。38蚊3個餸車仔麵仲包野飲，改飲涼茶加2蚊，絕對係抵食。車仔麵一黎到，呀姨仲加埋啲湯料比我地，有薯仔同排骨，而且碗麵份量都唔係小，如果車仔麵揀雞翼尖，仲會係串燒雞翼尖添。另外仲叫左串燒雞軟骨同墨魚咀，價錢都好平，不過就乾身左啲同唔夠惹味，枱面亦都有沙嗲醬同辣椒油比你點。衞生方面尚有進步空間🙈食個陣都有啲小飛飛，不過放心，食完之後無肚痛情況出現。