Ocio (煙廠街) (Closed)

今日約左屋企人嚟ocio食晚餐，我之前嚟過食tea, 覺得呢度甜品唔錯，就想帶佢哋嚟試吓。望到個set dinner menu, 都覺得幾抵食, 有餐湯, 主菜, 甜品同埋餐飲。所以我哋就叫咗兩個set dinner, 跟住就另外叫啲小食或者意粉等等...呢個係餐湯，係松露蘑菇忌廉湯。呢個餐湯蘑菇味好重，而且亦都有好多蘑菇，而且個質地一d都唔稀。有機鰻魚飯，個賣相好吸引！鰻魚肉質好肥美，不過入邊就有好多細骨，食起上嚟小心啲。個飯就有好多其他嘅配料，例如青椒紅椒洋蔥黃椒等等...可能我本身唔鍾意食呢啲配料，就覺得啲配料仲多過啲飯芝士薯條，十分惹味。薯條炸得好香，而且薯條上面嘅芝士，味道好濃，好香口，好開胃甜品方面，就可以揀雪糕或者芝士餅。我哋就揀咗雪糕，係朱古力味雪糕。雪糕入面仲有啲一粒粒嘅朱古力碎，好濃既朱古力味。未到七點，已經坐滿晒人。所以餐廳入面好熱鬧。但係座位上有啲迫，坐得唔係太舒服。食物質素方面就一般，不過價錢就幾合理。