Video
Read full review
2010-01-14
11 views
上個月去左尖沙咀撐枱腳, 仲要係燭光晚餐那款, 不過唔係同男友, 而係同我細佬兩個人, 當係補祝我倆生日, 地點在赫德道, 係見城日本料理及萬豚屋中間, 餐廳自成一角, 地點旺中帶靜.原來這裡裝修以十九世紀英國維多利亞時代的風格作為設計藍本, 深木色加埋柔和燈光, 真的好有特色, 好鐘意我坐的那張櫈, classic得黎坐得又舒服.我地order的是一個二人套餐 : 前菜 : 巴麻火腿伴蜜瓜 + 暖美國帶子沙律很愛吃這個沙律, 菜非常新鮮, 醋剛剛好不會太酸, 很開胃, 帶子大大粒, 輕輕煎香了, 果然係暖暖地; 火腿不會太咸, 但蜜瓜好像甜味差少少呢. 湯 : 干邑龍蝦湯這個非常好, 我平常不太愛龍蝦湯, 因怕膩, 但這個有很濃的龍蝦味之餘, 濃杰度卻非常適中, creamy得黎又不會杰撻撻好似茨汁咁!主菜選了 : 西西里式蕃茄, 芝士薄餅羊肉批 這個果然係招牌菜, 面面有鮮蕃茄加埋特多芝士黎焗已經好味啦, 批邊烤得脆脆, 但批底帶點點煙un, 一切開, 裡面羊肉+汁就咇晒出黎, 羊肉又軟又淋, 不過個汁若再惹味少少更好! 經理見我地掛住狂影相, 專登過來輕輕提醒我
地點在赫德道, 係見城日本料理及萬豚屋中間, 餐廳自成一角, 地點旺中帶靜.
原來這裡裝修以十九世紀英國維多利亞時代的風格作為設計藍本, 深木色加埋柔和燈光, 真的好有特色, 好鐘意我坐的那張櫈, classic得黎坐得又舒服.
我地order的是一個二人套餐 :
前菜 : 巴麻火腿伴蜜瓜 + 暖美國帶子沙律
很愛吃這個沙律, 菜非常新鮮, 醋剛剛好不會太酸, 很開胃, 帶子大大粒, 輕輕煎香了, 果然係暖暖地; 火腿不會太咸, 但蜜瓜好像甜味差少少呢.
湯 : 干邑龍蝦湯
這個非常好, 我平常不太愛龍蝦湯, 因怕膩, 但這個有很濃的龍蝦味之餘, 濃杰度卻非常適中, creamy得黎又不會杰撻撻好似茨汁咁!
主菜選了 : 西西里式蕃茄, 芝士薄餅羊肉批
這個果然係招牌菜, 面面有鮮蕃茄加埋特多芝士黎焗已經好味啦, 批邊烤得脆脆, 但批底帶點點煙un, 一切開, 裡面羊肉+汁就咇晒出黎, 羊肉又軟又淋, 不過個汁若再惹味少少更好! 經理見我地掛住狂影相, 專登過來輕輕提醒我們要趁熱吃, 真的很細心, 因她怕羊肉個汁會讓批底變淋吧!
安格斯肉眼扒配牛肝菌汁, 細佬見到有少少失望, 因扒不算太厚, 但質地很不錯, 不會太瘦, 點點脂肪分佈平均, 咬時會有少少脆脆地的感覺, 很juicy, 我覺得牛肝菌汁偏咸了少許, 但細佬卻鐘意覺得剛剛好, 猛點d汁食!
Desset : 甜品拼盆
雖然我不喜歡吃甜品, 但因自己愛做, 所以對於甜品要求較高. 士多啤梨古力批, 細佬覺得好好味, 不過我覺得中間的古古力mousse應要濃味點點.
這個Cream brulee面面的焦糖很脆, 蛋也香, 不錯!
但餘下的Tiramisu & Mango mousse cake 都不算很吸引, mousse cake一點也不似mango味, 也不夠滑呢!
甜品對好多人來說是一餐的完美句號, 若可以多花點心思就更好!
飲品 : 肯雅咖啡或茶
我不飲咖啡, 細佬只飲cappuccino, 很可惜沒有試肯雅咖啡呢! 我食完呢餐覺得好飽, 但有點擔心細佬夠唔夠飽, 因為男仔大食d丫嘛, 好在佢都話夠飽, o岩o岩好.
套餐價錢 :$398 + 10%>, 以尖沙咀地點 + 漂亮典雅的裝潢+ 殷勤得黎又唔會騷擾你的服務 + 味道不錯且又浪漫的燭光晚餐, 呢個價錢真係算非常合理呢!
Post
